CALI: Riba Dialuna a bira conoci, cu 58 studiante di Colegio San Cayetano di ciudad di Cali,
a shiwata debi cu nan a come cuminda na scol cu aparentemente ya caba a ‘daña’. Tin hende cu ta bisa cu e cuminda hasta a putri caba.
E caso mes a socede Diabierna, ora cu e alumnonan a come lunch di dia, y algun ora despues ta bastante di nan a cuminza bisa cu nan ta sinti nan mes malo.
Rector di e scol, Jhon Alberto Vargas a cuminza haya notificacion di docentenan, cu alumnonan a cuminza haya keintura, tabatin algun cu a cuminza saca y haya diarea. Esey a pone cu a manda varios pa Clinica pa asina haya atencion medico. A deduci cu nan tur a haya gastroenteritis.
Di e 58 studiantenan cu a bira malo, 20 a haya yudanza na Hospital, y 3 a wordo hospitaliza y ta bao observacion keto bay.
E Rector di scol a bisa cu e cuminda cu nan a usa pa prepara lunch, parce tabata contamina cu un bacteria cu a causa e problema di stoma di e studiantenan.
Gobierno di Cali via nan Secretaria di Salud, a laga haci analisis di tru cuminda, pa determina si e ta pertenece na un lote di producto entrega varios dia pasa, of si el a djis presenta den e cuminda usa Diabierna pasa.
