NEW YORK: E superartista cu a introduci ritmonan Caribense den musica Mericano, y defensor di derecho di hendenan di color, esta Harry Belafonte, a fayece Diamars na Manhattan cu 96 aña di edad.
El a nace na Harlem, for di un mama di Jamaica y tata di Martinique, e cantante di calypso y actor a pasa mayoria di su hubentud na Jamaica prome cu el a regresa New York, un mezcla di cultura cu a influenci’e den su musica.
E calypso di Belafonte, cu ta un genero di musica Caribense cu ta bin di influencianan di West Africa y Francia, a pone bira famoso cu e prosperidad y crecimento di ciudadnan despues di Segundo Guera Mundial.
Su tercer album titula ‘Calypso’ na 1956, a bira su prome LP cu a bende mas di un miyon na Merca. El a inclui e musica cu a bira esun mas famoso di Belafonte, esta ‘Day-O (The Banana Boat Song)’, basa riba un melodia popular Jamaiquin, unda Belafonte ta canta cu acento Caribense: “Stack banana ‘til de morning come / Daylight come and we wan go home”.
