CARACAS: Dialuna mainta alarma a wordo bati pa un candela grandi cu a start den deposito di Instituto Venezolano di Seguronan Social (IVSS) na Carapa.
IVSS ta encarga pa haci pagonan social y di pension na e pais.
Unidadnan di Bombero di Caracas, y mas unidad di otro area a yega pa duna un man. Pero tabata bisto cu e destruccion ta extenso. E candela aki tabata wordo mira di leu, for di varios parti di e banda west di capital, por mira e huma preto ta bay halto.
E edificio ta den Zona Industrial Carapita di parokia Antimano.
