ORANJESTAD (AAN): Manera ta conoci, awor doñonan di mascota por microchip nan cacho of pushi pa solamente 25 Florin,
un suma subsidia door di Ministerio di Naturalesa, y por haci un cita na tur veterinario.
E pasonan cu mester tuma ta cu abo mes ta escoge un veterinario, bo ta contact nan y haci cita pa por microchip bo mascota. Presenta riba e fecha di cita y paga solamente 25 Florin pa e chip.
Si bo no por paga 25 Florin, tene cuenta cu tin un campaña di e grupo ‘Stimami Sterilisami’. Bo tin di bay registra via nan website pa sterilisa bo mascota. Nan campaña ta inclui un free microchipping pa miho siguridad y trankilidad.
