Cadetenan di KMA ta lora nan manga di camisa durante ehercicionan na Aruba

ORANJESTAD (AAN): Di Diadomingo 8 di Mei te cu Diasabra 14 di Mei 2022, mas o menos binti cadete di KMA/Academia Real Militar na Breda (Hulanda) lo completa nan training pa bira Oficier, cu e ehercicio ‘Alumno to Suda’ na Aruba.

E cadetenan ta cuminza cu nan entrenamento profesional despues di verano, como e ultimo preparacionnan riba nan prome funcion como Oficier dentro di e varios seccion di arma y servicio den Ehercito Real.

Teniendo e ehercicio na Aruba, e Officer Aspirant ta experencia con ta opera den un ambiente diferente, den contexto y circumstancianan climatologico  otro di loke nan ta custumbra cu ne.  Creando un contexto operacional, un transmision asina ta keda simula.

Parti di e programa ta entre otro, lesnan di parti di Milicia di Aruba (ARUMIL), deporte, actividadnan inusual, momentonan di reflexion, y un ehercicio di 24 ora cu sosten di Cuerpo di Mariner di Kazerne Savaneta.

Dia Social
                Riba Diasabra 14 di mei ta clausura e programa cu un dia social na Aruba. E dia ey e cadetenan ta lora nan manga di camisa pa yuda cu mantencion y asuntonan practico na Ambiente Feliz, un hogar familiar remplasante pa esnan discapasita mentalmente, y tambe na Sgt. Pepper Friends Foundation, un refugio pa animal na Aruba.

Actividadnan social pa e cadetenan ta keda ehecuta mas frecuente durante aña,  pa asina aporta na organizacionnan local y pa un bon causa. 
                Na ‘Coninklijke Militaire Academie’ (KMA) na Breda anualmente centenares di cadete ta keda entrena pa bira Oficier.

Na KMA por sigui un entrenamento cortico pa Ofisir, un siñansa den ciencia Militar, of un entrenamento spesialisa. KMA ta train Oficiernan pa Ehercito Real, Forzanan Aereo Real y Marechuessee Real.
                KMA ta keda sostene den organizacion di e ehercicio aki pa ‘Expertisecentrum Leiderschap Defensie‘ (ECLD) y ‘Faculteit Militaire Wetenschappen’ (FMW).

E institutonan aki ta parti tambe di Nederlandse Defensie Academie (NLDA). Tambe nan ta traha conhunto cu ARUMIL y Marina Real.