Cacho di Aruba haya trato VIP na stadion di Miami Marlins

MIAMI: Den tres siman di tempo el a bira popular na Merca!  Riba Diadomingo, e cacho originalmente di Aruba, esta ‘Jonah’ cu a wordo adopta y awor ta bibando na Florida,

a regresa loanDeport Park unda el a wordo honra door di e team di Miami Marlins, prome cu e wega contra Cleveland Guardians.

   E cacho crioyo Jonah, cu awor a bira conoci na Florida como ‘The Cunucu Dog’, acompaña pa su doño Peter Silveira, a subi veld pa asina haci e prome lanzamento di bala.  Anto e cacho Jonah a yega tur bisti pa e ocasion, cu un jersey special di Marlins.

   E cacho Jonah y su doño a ricibi un suite den Stadion pa bay mira e wega.  Doñonan di Marlins y partnernan a dune cantidad di co’i hunga manera bala di lana, demas dog toys, y cos dushi.

   Manera DIARIO a publica recien, tabata durante actividad di ‘Bark at the Park’ di dia 22 di Juni, cu cameranan a capta e cacho Jonah ta mirando tristo con un otro cacho ta comiendo hot dog.  E video ey a plama riba Internet, y Miami Marlins a cuminza busca pa haya sa kende ta su doño.  Y Diadomingo nan a dune un dia special y e tabata e unico cacho presente na stadion di Marlins.  Un cacho di caya di Aruba cu a logra wordo adopta y hiba Merca, awor ta famoso den mundo di MLB Baseball.