ORANJESTAD (AAN): E potret aki a wordo saca Diaranson un rato prome cu 6:00 am,
ora cu e conocido barco crusero Odyssey of the Seas ta preparando pa mara na Waf di Playa.
El a caba di yega for di Curaçao, y a drenta Waf na Oranjestad y a ancra “cara pabao”. E potret aki pa cortesia di Aruba Ports Authority ta mustra momento cu e crusero cu tin capacidad maximo di 5.498 pasahero, ta moviendo pa yega cerca di pier. Por mira cu e luna ta den su fase di ‘Afnemende maan’ cu hopi iluminacion den e oranan trempan di mainta ey.
E barco aki ta bishita e isla regularmente. El a bandona Aruba riba Diaranson anochi 11:00 pm, y a sali rumbo pa e isla Coco Cay na Bahamas unda e lo yega Diasabra. Riba Diadomingo e lo tey bek na port di Fort Lauderdale pa finalisa e viahe.
