ORANJESTAD (AAN): Den teatro Principal na San Nicolas, productor Desiree Croes di Berea Productions a ricibi su invitadonan na e première di su pelicula “E bruha, bruha”.
Cu cameranan di Semi Chahmi di Chahmi film studio e invitadonan por a disfruta di e resultado di e mas cu un ora y dies minuut di e producto final.
Por a aprecia presencia di e cast di e pelicula manera Yvonne Tromp, Mirto Tromp, Desiree Croes, Yolanda Croes, Nigel Maduro y Liliana Rasmijn. Tambe presencia di Yakari Gabriel, Sebastian Torres y Semi Chahmi.
E pelicula ta pasa na diferente horario na Gloria, Principal y Reniaissance theatre. Tur cu a mir’e e prome dos dia, a bay cas contento y orguyoso di e produccion Arubano aki.
E bruha, bruha ta un pelicula adapta for di e cuenta cortico di Desiree Croes su buki No Mas. Berea ta conoci pa su peliculanan E Berguensa, No Bay Fo’i mi, A-11, E carta, E maleta ros y Luz riba lama.
{gallery}Bunita premiere di pelicula E Bruha, bruha{/gallery}
