ORANJESTAD (AAN): E 4 di Juli aki, Bucuti & Tara Beach Resort, e prome y unico resort certifica Carbon Neutral den Caribe,
ta prepara pa fascina su huespednan cu un show di drone extraordinario y unico opera door di Drone Shows Aruba–e unico compania di show di drone na Aruba.
Esaki ta un demostracion inovativo y amigabel pa medio ambiente cu lo ofrece un alternativa riba klapchi tradicional, resaltando e compromiso constante di e resort pa sostenibilidad ambiental.
Un Compromiso di decenanan na Sostenibilidad
Pa mas di tres decada, como un pionero y ehempel di turismo sostenibel internacionalmente Bucuti & Tara Beach Resort a elimina e uso di klapchi pa proteha e ecosistema local. E show di drone di e aña aki ta un testimonio di e compromiso firme di e resort pa practicanan amigable pa medio ambiente, ofreciendo un experiencia visual fascinante cu ta honra naturalesa.
Klapchi tradicional, aunke visualmente impresionante, ta presenta riesgo ambiental. Nan ta libera kimiconan malo y metalnan pisa den e aire, cu por contamina tera y fuentenan di awa. Ademas, e explosion fuerte ta un disturbio pa animalnan, causando nan stress y desorientacion. Door di scohe pa un show di drone, Bucuti & Tara Beach Resort ta elimina e peligronan aki, ofreciendo un demostracion igualmente captivante sin pone e medio ambiente na peliger.
"Nos dedicacion pa proteha medio ambiente semper ta den e centro di nos operacionnan," Ewald Biemans, doño di Bucuti & Tara Beach Resort, a bisa. "Introduci un show di drone ta un testimonio di nos compromiso pa sostenibilidad, permitiendo nos pa celebra ocasionnan special di un manera cu ta respeta y preserva e beyesa natural di Aruba."
Experiencianan Exclusivo na Elements Restaurant
E show di drone lo ilumina shelo 8:30 PM riba 4 di Juli. Huespednan di e resort y bishitantenan externo ta invita pa haci e experiencia aki mas memorabel cu opcionnan di come exclusivo na e restaurant famoso y internacionalmente aclama pa adulto so, Elements Restaurant. Scohe for di:
- Cena Riba Elements Su Dek
-Experiencia Di Loveseat Priva Riba Beach
Ambos opcion tin un punto di bista excelente pa e show di drone mientras cu nan ta mantene e concepto trankil pa adulto so, manteniendo un ambiente sereno y sofistica. Ta rekeri reservacion pa motibo di disponibilidad limita.
"Nos ta emociona pa comparti e experiencia excepcional aki cu nos huespednan y bishitantenan," Biemans a agrega. "Celebra Dia di Independencia di Merca di un forma cu ta aliñia cu nos balornan y nos dedicacion na sostenibilidad ta algo cu nos ta hopi orguyoso di dje."
