Boolchand Group ta contento cu e bon reaccion pa cu nan tienda di mas nobo di Pandora

ORANJESTAD (AAN): Manera DIARIO a trece dilanti, recientemente The Boolchand Group a organiza e gran apertura di nan ultimo adicion den e mercado di e isla di Aruba,

un tienda di Pandora na The Shops at Ling & Sons. Un evento sumamente exitoso unda cliente VIP, socio, amistad, ehecutivo di Pandora y tambe Minister President di Aruba tabata presente.

   E tabata un privilegio pa tin Minister President su apoyo durante e ceremonia di cortamento di cinta conhuntamente cu e Director di The Boolchand Group Sr. Ram Boolchand. Nos ta agradecido na e Gobierno di Aruba pa tur e decisionnan duro cu mester a worde tuma pa proteha nos comunidad y na e mesun momento e esfuerso haci pa sostene e economia local.

   The Boolchand Group a traha duro pa asina logra sostene nan negoshi y adapta mas cu tabata posibel pa asina recupera di e tempo nan dificil di e pandemia. Nos ta agradecido pa tin e oportunidad di habri un tienda nobo den un localidad cu ta miho situa y mas accesibel pa e comunidad local, y cu na e mesun momento por sirbi e mercado di Airbnb’s y di short-term rentals cu ta aumentando rapidamente y pa probecha cu e visitante nan aki ta haci nan compras na Ling & Sons pa asina trece Pandora mas cerca di tur hende!

   The Boolchand Group a dedica su mes na e isla di Aruba desde 1974, y lo keda dedica na un futuro largo y duradera na nos One Happy Island! Un agradecimento special ta bay na tur esnan cu tabata presente pa asina apoya e Gran Apertura, especialmente e miembronan di prensa y Minister President di Aruba. Nos kier a manda un invitacion caloroso pa boso tur pasa visita nos tienda mas nobo di The Boolchand Group, tienda Pandora na The Shops at Ling & Sons..