Bo tabata sa Caribe ta cas pa 12% di e mangelnan rond di mundo?

Aruba Conservation Foundation:

ORANJESTAD (AAN):  En conexion cu e celebracion di Dia Internacional di Conservacion di Sistema Ecologico di Mangel, unabes mas Aruba Conservation Foundation (ACF) kier pone enfasis riba e rol importante cu mondinan di mangel ta hunga pa e naturalesa di Aruba.

            Bo tabata sa Caribe ta cas pa 12% di e mangelnan rond di mundo? Mangelnan ta un di e sistemanan ecologico mas diverso cu ta provee habitat pa miles di especienan di mata y bestia, y tambe ta hunga un rol crucial den proteccion di nos costa. Adicionalmente, mangelnan tambe ta fungi como un fuente di cuminda pa comunidadnan local.

            Asina mes, mangelnan ta bou menasa tur caminda rond di mundo y e mangelnan na Aruba pa decadanan a sufri di diferente impactonan manera rosamento y mas recientemente, impacto di desaroyo na nos costa y tambe polucion.

             ACF ta keda comprometi na e restauracion a termino largo di e sistema ecologico vital akinan como parti di nos vision pa un Aruba sostenibel. Un di nos prome iniciativanan ta e instalacion di silt traps y aki algun siman lo cuminsa cu cobamento di canal pa restaura e fluho di awa y calidad di awa na Spaans Lagoen comp parti di e proyecto di ‘Turning the Tide’.

            Keda pendiente pa un yamado pa boluntario pa asina abo tambe por contribui na trabounan di restauracion pa e isla cu nos ta yama nos hogar