Bishita di Directie Risicobeheersing & Rampenbeleid na Aruba

ORANJESTAD (AAN):  Director y Secretaris di Directie Risicobeheersing & Rampenbeleid Curacao tabata di bishita na Aruba riba dianan 30 di april y 1 di mei.

            Durante di e bishita a recorido di e oficina di Crisis Management Office Aruba y tambe a dialoga riba puntonan referente tareanan y trabounan cu ta wordo desplega. Dia 1 a sinta hunto durante e opendag pa asina trata e punto di e MOU cu ta den proceso pa wordo firma den 2024 pa cu Aruba – Bonaire – Curacao referente ayudo na momento di un desaster y pa cu maneho di crisis.

            Na mei venidero na Den Haag lo presenta e concepto durante e reunion entre tur e Coordinadonan di Crisis di e Reino Hulandes.

            Aki lo haci e ultimo adaptacionnan pa asina por presenta esaki na e respectivo Prome Ministernan di Aruba – Bonaire – Curacao pa asina por firma dicho MOU pa cu cooperacion den 2024.

Durante e proximo simannan lo duna mas informacion di e desaroyo.