ORANJESTAD (AAN): Departamento Meteorologico Aruba e emiti diabierna merdia un alerta pa biento duro.
E alerta a drenta na vigor diabierna merdia 12'or.
Un aviso pa boto chikito pa lama habri y especialmente areanan
cerca di costa oost te noordwest lo keda na vigor te otro aviso.
Diferencianan di presion den region di Caribe ta birando mas grandi y esaki lo haci cu biento lo bay supla un poco mas duro durante e proximo dianan.
Ta spera velocidadnan di biento di 23 te 27 nudo y ta anticipa cu lo por tin rafaganan cu de bez en cuando lo por yega 35 nudo (beaufort 8).
Esaki lo haci cu durante proximo dianan lama tambe lo ta bruto na cierto partinan cu olanan di 7 pa 8 te posiblemente 9 pia, especialmente na partinan oost te noordwest di costa y lama habri.
Accion de precaucion....
Ta pidi publico, usuarionan di facilidadnan di lama pa tene cuenta cu e biento duro; especialmente marineronan ta wordo urgi pa tene cautela riba lama habri y cerca di costa ya cu e biento duro lo bay causa lama localmente bastante bruto.
