ORANJESTAD (AAN): Profesor Sr. Michiel van Kempen a entrega 3 publicacion di e autor Ken Mangroelal pa e coleccion di biblioteca.
Nan ta ‘Op weg naar Nos placer’ (novela), ‘Caribbean rhapsody’ (2019) y ‘Ik waan mij hier slechts: gedichten’(2020).
Ken Mangroelal (Aruba, 1948) ta filosofo y escritor y a nace na Aruba na 1948. Actualmente e ta biba na Amsterdam. Mangroelal a debuta na 1978 cu e obra ‘Distance Call, Brief aan een Surinaams-Antilliaanse moeder’ na Uitgeverij In de Knipscheer.
Tin prosa di Mangroelal den publicacionnan ‘Sirito’ (1993), ‘Mama Sranan: 200 jaar Surinaamse verhaalkunst’ (1999), y tambe poesia den ‘Caraïbisch Uitzicht’. ‘Caribbean Rhapsody’ ta parcialmente prosa autobiografico. ‘Ik waan mij hier slechts’ ta un coleccion di poema.
Un danki grandi na sr. Van Kempen pa trece e obranan Aruba. Masha aprecia!
