Banco di Caribe a entrega premio na e ganadornan di Festival di Canto Bos Escolar

ORANJESTAD (AAN): Recientemente Banco di Caribe a haci entrega di e premionan na e ganadornan di Festival di Canto Bos Escolar.

Na e festival di canto, muchanan por a participa den 4 categoria. Categoria 1 tabata pa muchanan di 3 pa 6 aña, categoria 2 pa muchanan di 7 pa 10 aña, categoria 3 pa muchanan di 11 pa 13 aña y categoria 4 pa muchanan di 13 pa 18 aña . Den tur categoria e scolnan a ricibi un premio den efectivo. Banco di Caribe ta masha orguyoso di por a patrocina e categoria 2 den e festival di canto.

            Sr. Giovanni Croes, Managing Director di Banco di Caribe,  tabata presente na e scolnan pa haci entrega di e premionan na muchanan.

            E di prome lugar den e festival a ricibi un premio di Awg. 1.000, di dos lugar a ricibi un premio di Awg. 750 y di tercer lugar a ricibi un premio di Awg. 500.  Banco di Caribe ta felicita tur e ganadornan di Festival di Canto Bos Escolar, principalmente esunnan den categoria 2. Pabien na John Paul Rapista cu a representa St Aloysius y a resulta na prome lugar, tambe John Maynard Wever cu a representa Colegio San Hose y a resulta na di dos lugar, Elijah Tjie a Loi cu a representa Prinses Amalia Basisschool y a keda na tercer lugar, Alina Tevreden cu a representa Prinses Amamlia Basisschool y a finalisa na di cuarto lugar y finalmente Aliyah Lofosang cu a representa Mon Plaisir School y a keda na di cinco lugar.

            Di acuerdo cu Sr. Giovanni Croes, Managing Director di Banco di Caribe nan ta sumamente contento di por a duna un aporte na e festival di canto di Muchanan Sabi y Harmonix y ta spera cu tur mucha a keda inspira pa asina sigui desaroya nan talento. Un pabien grandi na tur participante!

            Riba fotonan adhunto un bista di diabierna ultimo momento cu Banco di Caribe a haci entrega oficial di e premionan na ganadornan den categoria 2 di Festival di Canto Bos Escolar. Masha Pabien!