Studiante Shami Erasmus trahando riba tesis
ORANJESTAD (AAN): Cooperacion ta wordo pidi di comunidad, specialmente esnan cu ta labora den sector di Horeca na Aruba, pa participa den un encuesta pa asina yuda un studiante di Universidad di Aruba.
Shami Erasmus ta un studiante, kende despues di a finalisa su estudio di Financial Administration na Colegio EPI, a opta pa keda na Aruba mes y sigui su estudio na Accounting & Finance na Universidad di Aruba.
E experiencia cu el a haya na Colegio EPI, specialmente den e aspecto di practica, y ora di yega Universidad, bo ta traha aun mas independiente sabiendo cu ningun hende ta core bo tras pa recordabo finalisa cu bo tareanan.
Como cu el a sigui den mesun direccion financiero na universidad, esaki no a cay duro pe.
Awor cu e ta den e proceso pa traha riba su tesis, cu ta encera e practicanan di empleo den Sector di Horeca riba e isla. Pa un luna caba el a acerca diferente compania den sector di F&B na Aruba, pa yena e encuesta cu ta bay mas tanto riba nan percepcion di loke nan ta opina con e practicanan di empleo ta na Aruba, den diferente aspecto.
Erasmus a ricibi reaccion di hende pa puntra, di con ta haci e encuesta aki den sector di Horeca, siendo cu su background ta den Accounting. Pero Shami Erasmus a enfatisa cu en principio e dos sector aki ta liga cu otro, como cu e tin di haber cu economia di Aruba.
E tesis ta pa e por traha, presenta, y defende su tesis na final di su estudio. Alavez el a anuncia diferente asociacion na Aruba kendenan ta desea di haci uso di e informacion obteni via su tesis. Pesey ta importante pa acerca esnan hopi envolvi den e sector di Horeca, e.o. Managers, Directornan, etc., di F&B pa nan por yena e informacion mas exacto y detaya posibel.
Esnan cu kier participa na e encuesta aki, tene cuenta cu tin dos version. Uno ta pa empleadonan, y esey bo ta haya na e website:
Tambe tin un otro version di e encuesta, y esaki ta na ingles y ta dirigi na e.o. e Director, of Managernan, etc., cu ta den puesto di maneha un negoshi. Pa esey bay na e website:
Segun Shami Erasmus, e encuesta na Papiamento lo durabo djis 10 minuut di bo tempo pa contesta. E encuesta pa Gerencia of Director, ta na Ingles y lo dura como 15 minuut pa contesta.
