Awe ta Dia Internacional pa Eliminacion di Violencia contra Hende Muher
ORANJESTAD (AAN) – Segun cifranan di e Organizacion Nacionnan Uni, 736 miyon di hende muher, ta victima di violencia, alomenos un biaha den su bida.
E cifranan di mas reciente tocante di e Organizacion di Nacionnan Uni (ONU) ta rebela un realidad alarmante. Na 2021, aproximadamente 45 mil muher adulto y mucha a perde nan bida den man di nan pareha of un famia, na henter mundo.
Marta Carreño, di e Organizacion Mannan Uni, ta expresa: “Un hende muher ta sosega apoya riba un muraya di tehel”.
Violencia contra e ser femenino ta sigui ta un di e violacionnan di e derechonan humano mas extendi y generaliza, cu ta afecta 736 miyon di hende muher, alomenos un bez durante nan bida.
E efectonan psicologico devastador di e violencia aki, ta afecta hende muher den tur etapa di nan bida, pero mayormente ta afecta adolescentenan di 15 aña, cu ta alcanza e 30% di tur e victimanan.
Cu e finalidad di lucha pa eradica e violencia di genero, Mannan Uni a destina, den e ultimo cinco añanan casi 3 miyon di Euro pa e desaroyo di 26 proyecto cu a beneficia mas di 110 mil muher adulto, mucha y adolescente na America, Asia y Africa.
Mannan Uni ta traha for di aña 2017 cu e Organizacion civil Kalli Luz Marina, cual mision ta construi un sociedad na unda e hendenan muher indigena wordo respeta den tur nan derechonan, sin temor na violencia, mientras ta fomenta un cultura di denuncia y respet na e dignidad humano.
Den e Dia Internacional pa Eliminacion di e Violencia contra Hende Muher 2023, ta wordo denuncia cu tin hendenan muher cu ta enfrenta hopi restriccion pa accede na husticia, cual acceso ta fundamental pa e realizacion di tur e derechonan humano. E restriccionnan ta encera procesonan compleho, temponan largo di spear, distancia, revictimizacion y culpabilidad door di funcionarionan y corupcion. Esaki ta agudiza ora ta trata di hendenan muher indigena den situacion di pobreza, y aki ta na unda e diferente formanan di opresion y marginacion historico, ta entrecruza.
Algo hopi positivo ta cu awe voznan lo resona den actividadnan diverso awe, pa apoya e lucha pa eliminacion di violencia contra hende muher na henter mundo, y danki Dios Aruba no ta keda atras. Ban apoya HIAS y e otro organizacionnan concerni, pa e marcha y mensahe bira sumamente exitoso!
