NASSAU: Gobierno di Bahamas a dicidi cu desde 1 Januari 2022, cu nan VAT-Tax di 12% na e islanan ta wordo baha awor te na 10%.
Esaki como parti di un reduccion di e value-added tax cu Gobierno a priminti di lo haci.
Pero algun miembro di oposicion ta kere cu asina mes keto bay pueblo ta sufriendo debi na efectonan di e Pandemia, y nan ta hasta pidi pa elimina e VAT completamente. Otronan ta pidi pa Gobierno considera pa pone excepcion pa cierto articulo, basa riba e potencial impacto riba famianan na Bahamas.
Pandemia a dal e islanan hopi duro, y pa colmo awor un biaha mas e casonan di Covid-19 ta subiendo explosivamente debi na e variante di Omicron. Politiconan di awor caba ta adverti Departamento di Asuntonan Social, cu nan mester ta prepara pa bay yuda famianan di Bahamas carga e extra gasto, debi cu e.o. ta bay cobra Tax riba articulonan di pan, por ehemplo.
E reduccion di VAT aki, lo bay nifica cu Gobierno di Bahamas lo ricibi como 200 miyon Dollar Bahameño menos.
