ORANJESTAD (AAN): Awe Diasabra 23 di November tin e ‘Carañito Challenge” di Bucuti Yacht Club.
E ta un reto pa mira kende lo bay captura e pisca ‘Carañito’ di mas grandi, y tambe di mas hopi kilahe.
E competencia aki ta ser organiza pa Bucuti Yacht Club, y e competidornan tin di purba captura e piscanan aki, na e lagun dilanti Bucuti Yacht Club mes.
E salida ta pa 5:00 pm y tur hende mester ta bek pa 9:00 pm. E atardi aki mes lo tin registracion ta cuminsa pa 3:00 pm.
Lo bay cobra participacion pa persona. Tambe lo tin un pot special pa e botonan, pa asina check kende ta bin cu e mayor kilahe. Pa e competencia aki, lo bay tin control riba lama.
Lo duna premio pa 1er Mayor Carañito, e di 2ndo Mayor Carañito, y 3er premio pa Mayor kilahe di Carañito. Henter anochi lo tin animacion musical na Bucuti pa publico presente.
