Putin ta producto di e sistema di esclavitud superior na Socialismo
*Dios a wordo elimina pa kibra e moral cu ta dicta bon y malo pa hende
*Bida di e ser humano ta di balor inferior na balor di estado Comunista
ORANJESTAD (AAN) — Pa comprende loke ta pasa awe na Rusia, mester bay Italia caminda e volcan Etna, a bolbe pone mundo na careda, despues cu pa basta tempo el a duna mundo e sentido di trankilidad.
Ora tira un bista den historia di mundo for di inicio di Siglo 20, ta contempla e volcan yama Comunismo cu ta un sistema di comunidad cu ta uni den e Manifest di Comunista cu Karl Marx y Friedrich Engels a entrega na mundo na 1848.
Na 1844 nan a topa pa uni den creacion di un mundo, cu lo a deshaci di clase, den cual tur hende lo ta mescos riba tur tereno.
Un pensamento cu ta parce e creacion di un mundo ideal, pero cu un problema. Kende y con ta dirigi mundo, ta dirigi un comunidad di hende cu pensamento propio.
Pa comprende loke Comunismo a bira pa mundo, mester bolbe hustamente na e punto aki. Con, si tur hende ta mescos, por tin un lider cu ta dicidi kico mester pasa?
E unico forma pa esaki ta posibel, mester tin e siguransa cu tur hende ta pensa mescos, no tin un pensamento diferente di otro y ta acepta tur loke wordo bisa.
Esaki ta e Comunismo cu a wordo introduci na 1917 den e Revolucion di Rusia caminda pueblo a baha e emperador Nicolas y a forma un gobernacion temporal.
Gobierno na Rusia e tempo tabata wordo forma dor di Soviets, sistemanan politico di gobernacion, cu a yega na un fin ora Vladimir Lenin den un revolucion sangriente a introduci e sistema gubernamental Comunista.
E dirigentenan di gobierno Ruso despues di e revolucion, a splica mundo cu nan no ta un gobierno basa riba socialismo, pero cu nan ta bay mas leu cu socialismo y cu Rusia lo a bira comunista.
Den e postura aki ta mira e diferencia di escala di “socialismo” pa “comunismo” aunke den realidad socialismo den mundo, socialismo mas y mas ta uni su mes directamente cu comunismo loke ta haci clasificacion dificil.
Pa bolbe na Rusia, e realisacion di estado comunista, den cual tur hende ta mescos, mester a haci cu tur hende ta pensa mescos.
Esaki a sosode na diferente forma cu ta topa cu otro den un realidad, cu hende no por a uza su poder propio mas pa defende loke e ta kere.
Mester a “purifica” e comunidad na diferente forma. Na prome lugar cu eliminacion di personanan cu ta pensa diferente cu sea a muri of a wordo deporta pa camponan di Siberia pa nan muri.
Stalin por splica kico ta nifica gobernacion di horor!
E moral di hende ta basa riba loke ta bon of malo na su parecer y den esaki religion y e fe den Dios, ta hunga un papel sumamente importante.
Historia ta mustra con di 1928 te 1941 a realisa un programa den cual a ridiculisa religion y Dios y a introduci ateismo pa duna gobierno control riba sentimento di hende.
Robot humano a wordo crea dor di e gobiernonan comunista, cu ta dicidi kico hende ta come, con nan ta biba, kico nan ta bisti y ta wordo completamente controla dor di estado.
Por papia di un dictadura perfecto cu ta domina e ser humano completamente.
Ta den e dictadura aki Vladimir Putin a nace na un momento cu Rusia tabata tin liderazgo mas “moderno”.
Mundo a kere cu el a pone un fin na e menasa Comunista ora a derumbra e muraya di Berlin.
Vladimir Putin a nace na 1952 na e poderoso St. Petersburg. Di 1999 pa 2001 el a sirbi como Prome Ministro di Rusia mescos cu na 2008 pa 2012.
No a tarda despues di 2012, pa el a cuminsa conkista teritorio cu tabata pertenece na Union Sovietico y a duna muestra di su intento pa restaura e imperio Sovietico.
Putin lo hala atras mientras economia di Rusia ta basha abou?
Pa trata na haya un contesta mester bay profundamente den e realidad di Vladimir Putin, cu a traha riba creacion di un imperio Comunista pa medio di placa cu ta kita for di Pueblo na Rusia, caminda tin oposicion contra su persona.
Oposicion cu e ta “purifica” (silencia) mescos cu ta pasa na Cuba, Venezuela y tur pais comunista cu tin un solo forma pa existi, cu ta a base di dictadura riba hende, cu ta wordo completamente oprimi.
Mundo a introduci sancion. E pregunta ta keda te ultimo momento, si mundo por por controla Putin, cu pa medio di e sistema comunista ta centro di bida di Rusia y factor decisivo di tur habitante di Rusia y tur pais goberna pa dictadornan cu placa di Rusia a pone na poder.
