Minister Ursell Arends:
ORANJESTAD (AAN)—Tin diferente factor cu ta stroba e compania estatal Arubus, genera suficiente entrada. Asina Minister Ursell Arends, ken ta atende tambe cu e cartera di Transporte Publico, a bisa cu mirando y analizando e cifranan di aña pasa, por nota cu Arubus ta bayendo den bon direccion.
“Pero nos tin cu tene cuenta cu bao di Arubus, tambe tin dos compania cu ta colga cu ta Aruparking y Arutram.
Arutram no ta genera ningun entrada pero si e ta pone un peso financiero riba Arubus, y den esaki tambe Conseho di Comisario ta haciendo tareanan, p’asina por wak con nos por diversifica e operacionnan di Arutram cu e por genera entrada tambe y Aruparking pa e por para riba su pia, financieramente, y di e forma aki tambe nan por alivia e costonan di Arubus tambe.
