116 caso nobo raporta diamars
ORANJESTAD (AAN): Departamento di Salud (DVG) a informa diamars cu segun resumen 220 persona a recupera y un total di 116 caso nobo di COVID-19 a keda registra di cual 8 ta no-residente.
E cifranan aki ta representa un 'Positivity rate' bou di residentenan di 43%. E cantidad di casonan activo di COVID-19 ta 482 y cantidad di fayecidonan relaciona cu COVID-19 ta 193. Datonan ta ilustra casonan nobo di COVID cu un averahe semanal di 169 caso pa dia y un averahe di 'Positivity rate' semanal di 53% pa dia.
Actualmente na Aruba tin 37 persona interna cu of debi na COVID di cual den ICU tin 3 persona y riba piso general tin 34.
Na Colombia tin actualmente 6 persona den ICU y ningun (0) riba piso general.
DIALUNA
Pa loke ta dialuna, e resumen a mustra cu 230 persona a recupera y un total di 83 caso nobo di COVID-19 a keda registra di cual 17 tabata no-residente.
E cantidad di casonan activo di COVID-19 tabata 583.
Durante di e siman; di 21 di januari pa dialuna, un total di 6 persona a fayece, mayoria ta personanan cu condicion di salud delicado y edad avansa.
