Aruba One Happy Island Lions Club a scoge e ganadornan di 'Peace Poster Contest 2021'

ORANJESTAD (AAN): Pa mas di 30 aña, Lions Clubs mundialmente ta organisa Peace Poster contest unda anualmente rond 600 mil hoben entre 11 y 13 aña ta haya e oportunidad di expresa nan vision riba Paz por medio di arte y creatividad.

            E aña aki pa prome biaha Aruba One Happy Island Lions Club tambe a organiza e competencia di arte aki na Aruba. E tema di e aña aki tabata " We Are All Connected"  E pintura ganador a participa na Miami, Florida hunto cu e ganadornan di otro Lions Clubs.

            Aruba One Happy Island Lions Club ta hopi contento cu e interes demostra door di e scolnan basico pa participa na e evento aki.

            E ganadornan di aña 2021 recientemente a ricibi nan premio durante un evento pa nos  muchanan organisa pa Aruba One Happy Island Lions club.

            Como ganador di e prome Aruba One Happy Island Lions Club Peace Poster contest a keda: Mali Baroud
Scol Basico Washington
klas 6B
2do lugar
Isabella Tjou-Tam-Sin
School Reina Beatrix
klas 6A
3er lugar
Rose-Elaine
School Reina Beatrix
klas 6A
            Aruba One Happy Island Lions Club kier a gradici tur scol cu a participa, huradonan Audrey Curiel,  Andrew Curiel, Yelsomine Quilotte y Fl. Lion Judith Werleman. Tambe un danki special na e sponsor cu a contribui cu premio.

            Otro aña sigur lo bolbe organisa e tremendo concurso aki.