ORANJESTAD (AAN): E prome masa di stof di Sahara di e aña aki a yega na costanan di Caribe oost, extendiendo tambe su influencia pa e islanan di Aruba, Bonaire y Corsou.
Ta spera cu e stof fini aki lo ta mas notabel durante fin di siman, prome cu disparce na principio di e siman benidero.
E presencia di stof di Sahara ta causa cambionan notabel den condicionnan atmosferico di e region, resultando den cielonan blanco y un reduccion den visibilidad.
Ta conseha specificamente na personanan cu alergianan y problema respiratorio pa tuma precaucion, ya cu calidad di aire por tin impacto riba nan salud.
Autoridadnan meteorologico ta sugeri cu e efectonan atmosferico aki por continua durante e proximo dianan, pa loke ta urgi e poblacion pa sigui e consehonan di cuido di salud y ta keda alerta pa actualisacionnan riba clima.
{gallery}Aruba, Bonaire y Corsou ta cuminsa experencia e prome efectonan di stof di Sahara pa 2024{/gallery}
