Aruba Bank ta celebra nan 'Customer Appreciation Week 2021

ORANJESTAD (AAN): Tur aña Aruba Bank ta gradici su clientenan pa nan lealtad, cu celebracionnan na nan sucursalnan.

E aña aki Aruba Bank lo celebra cu nan clientela un biaha mas, durante nan ‘Customer Appreciation Week 2021’.

Aruba Bank ta conciente di e importancia di un bon relacion entre e banco y su clientenan y ta pa esey anualmente ta gradici su clientenan y ta promove un ambiente servicial y amabel na tur sucursal di banco rond di Aruba, pa expresa e gratitud.

 Desde dialuna 22 di November Aruba Bank ta celebra “Customer Appreciation Week” caminda tin diferente “surprise moments” na diferente localidad di e banco.

Aruba Bank lo ta repartiendo regalonan na nos clientenan cu a ser cumpra na companianan local pa aporta na nos economia. Tambe lo tin premio riba nan pagina di Facebook.

 Aruba Bank ta aprecia tur su clientenan y nan ta sincero ora ta bisa DANKI. Nos comunidad tin opcion ora di scohe unda pa maneha nan asuntonan bancario, y Aruba Bank ta gradici esunnan cu ta sigui scohe pa nan.