Aruba Bank a patrocina uniform di ‘Train Hard Race Easy’ running team

Cu meta pa sigui aporta na deporte

ORANJESTAD (AAN): Durante fin di siman a tuma lugar e bautismo di e uniform nobo di e ekipo di coremento ‘Train Hard Race Easy’ patrocina door di Aruba Bank.

    Train Hard Race Easy ta consisti di 28 atleta di cual varios ta den top ranking den nan categoria den e deporte di coremento na Aruba.

   Varios di nan atletanan a viaha pa competi durante e famoso Miami Marathon cu a tuma lugar den februari. E ekipo a haci un tremendo trabao den e Tropical 5k race unda 2124 coredo a participa y atletanan di Train Hard Race Easy a logra bolbe Aruba cu 6 premio.

    Aruba Bank como banco cu ta sostene deporte ta mira e potencial y ta sostene e dedicacion di e atletanan na deporte y nan bienestar fisico. Señora Tamara Waldron, Marketing y PR Manager di Aruba Bank tabata tey presente pa e bautismo y a desea e team completo hopi exito pa e resto di 2022 den nomber di Aruba Bank.