Casonan activo a bira 28: 23 so ta residente - ORANJESTAD (AAN): Crisis Team y Departamento di Salud a duna di conoce diahuebs cu 8 persona a recupera,
mientras cu a registra total 1 caso nobo di Covid-19, di cual ta un residente.
E cantidad total di testnan ehecuta diaranson na e diferente localidadnan na Aruba, entre otro laboratorio di hospital, laboratorionan priva y aeropuerto ta 367 test.
'Positivity rate' entre residentenan ta 1%.
Casonan activo ta 28 (23 residente). E cantidad di fayecido relaciona cu Covid-19 ta 107.
Cantidad di personanan vacuna ta 64.990 cu ta representa mas cu 65% di e poblacion di 18 aña bay ariba.
