ORANJESTAD (AAN): Departamento di Aviacion Civil di Aruba a informa Diabierna mainta, cu a extende pa tres luna mas, e prohibicion di vuelonan pa y for di Venezuela.
E medida lo bay ta prolonga te cu 10 di December, segun un aviso di Notam (Notice to Airmen) number A0543/21.
Lo sigui suspendi e vuelonan di aviacion general y comercial, di pasaheronan, carga y post pa y for di Venezuela.
Tin di corda cu e prohibicion aki a wordo extendi caba na Juni cu a pasa, te cu Diabierna 10 di September.
Segun Aviacion Civil di Aruba, e instabilidad na e pais lo extende pa hopi aña y e islanan ABC cu ta cay bao di Hulanda, ta sufri caba e consecuencianan di e crisis.
