Ambiente den tur skina durante Jouvert Morning

ORANJESTAD (AAN): Diasabra marduga pa exactamente 3:00 am, e parada di Jouvert Morning a cuminza,

y a sali for di dilanti di Joe Laveist Sportpark na San Nicolas.  Oficialnan di Cuerpo Policial y tambe dirigentenan di SMAC tabatey na e comienso.

   E marduga aki, Cuerpo Policial tabtin un total di 138 personal riba pia. Diferente departamento di Cuerpo Policial a traha hunto entre otro Mobiele Eenheid, Flex Team, Polis Uniforma, Departamento di Recherche, Personal administrativo, departamento di trafico y planologie, AE, K9 Unit, Mobiel Commando y como tambe personal di CEA.

   E secuencia ta cu na comienso tabatin e Grill 21 Soundsystem cu nan DJ.  Despues a sigui e banda di Groove Masters.  Nan tras a presenta Buleria.  Despues a bin cu Royal Soundsystem, y na final tin e grupo Tsunami.

   Pa 7:44 am, e cabez di e parada a yega Joe Laveist y pa 8:14 am e parada a yega su final.