Alumnonan di Pius X School a despedi di Marlon Sneek

ORANJESTAD (AAN): Siman pasa, Marlon Sneek a pasa na su scol pa asina despedi y no por sigui duna les.

   Ta trata aki di Pius X School na Dakota, y na momento cu meneer Sneek a sali di lokaal pa su sorpresa el a haya tur alumno para den rij pa e salida.  Pues e mester a pasa y high-five tur alumno.

   Di awor en adelante, Marlon Sneek tin e funcion como President di Parlamento di Aruba.  Pesey e no por sigui cu dunamento di les.

   Ora cu el a yega te na e porta grandi di salida, el a topa cu e cabezante y aki entrega su yabi di klas.  Por a nota cu e alumnonan di berdad stima meneer Marlon, como cu nan tur a aglomera rond di dje pa dese’e tur cos bon.