Alhambra Casino a honra Haidee y Rudolf cu nan 30 y 35 aniversario

ORANJESTAD (AAN): Un anochi di honra e empleadonan ehemplar! Esey ta loke cu a socede durante un ceremonia special,

combina cu cena na Alhambra Casino Ballroom, gerencia e honra e empleadonan cu durante henter 2021 no a keda malo na cas.  E tabata un aña cu yen di reto, pero toch a percura pa duna honor na esnan cu a sa di haci nan best durante e aña ey.

   Durante e anochi a honra e hubilarionan cu a cumpli sea 5 aña, 10 aña, 15 aña, 20 aña, 30 aña, y 35 aña trahando cu e compania.  Tambe a honra esnan cu a keda henter 2021 trahando sin bira un solo dia malo.

   E anochi aki, a conta cu discurso di Annie Dirksz (gerente di mercadeo), Jan ten Have (director di operacion), y un lectura a wordo duna pa Susan Varnes (president).

  E anochi aki a honra Haidee Godoy, como cu e dama aki a observa 30 aña desde cu el a drenta den servicio di Alhambra!  El a ricibi un bunita reconocemento.  Tambe a honra Rudolf Schwengle, kende a observa cu 35 aña pasa el a drenta den servicio di Alhambra.  E tambe a haya un reconocemento.