Alhambra Casino a honra 46 empleado cu durante henter 2021 no a faya un dia di trabao

ORANJESTAD (AAN): Nan a bira hopi contento, ora cu nan nomber a wordo yama! 

Durante un ceremonia special, combina cu cena na Alhambra Casino Ballroom, gerencia e honra e empleadonan cu durante henter 2021 no a keda malo na cas.  E tabata un aña cu yen di reto, pero toch a percura pa duna honor na esnan cu a sa di haci nan best durante e aña ey.

   Durante e anochi a honra e hubilarionan cu a cumpli sea 5 aña, 10 aña, 15 aña, 20 aña, 30 aña, y 35 aña trahando cu e compania.  Tambe a honra esnan cu a keda henter 2021 trahando sin bira un solo dia malo, y esey tabata 46 empleado.

   E anochi aki, a conta cu discurso di Annie Dirksz (gerente di mercadeo), Jan ten Have (director di operacion), y un lectura a wordo duna pa Susan Varnes (president).

   Tabatin algun empleado cu e anochi ey debi na trabao no por tabata presente na e ceremonia.  Pero aki por mira esnan cu si tabatey y cu a ricibi un reconocimento special di “Perfect Attendance”.