ACF a tuma nota:
ORANJESTAD (AAN): E aña aki, Aruba Conservation Foundation (ACF) den colaboracion cu partnernan local y internacional a reintroduci e 'Yellow-shouldered Amazon', conoci local mane e Lora bek den Aruba su naturalesa despues di tabata extincto pa mas cu 70 aña.
E populacion di Lora ta bayendo bon y nan ta adaptando na e diferente areanan natural den Parke Nacional Arikok y otro areanan.
Recientemente ACF a tuma nota cu algun hende ta purba di yega mucho cerca di e Lora of ta purba duna nan cuminda.
Kier recorda y encurasha tur hende pa goza di e bunitesa di e especie di parha aki cu ta endemico y proteha pa ley, di leu. Respeta nan espacio y no duna nan cuminda.
Si bo wak un Lora, porfabor laga ACF sa y manda nan e detayenan na e Wildlife Hotline +297 5924476.
