ORANJESTAD (AAN): Manera ta conoci, Dialuna anochi tabatin un solo ticket ganador cu a bay cu e jackpot di Lotto di Dia. Un solo ticket tabatin e numbernan 13, 23, 24, 25, 30.
E ganadora a resulta di ta Aiza, y pesey riba Diaranzon el a acudi na oficina di Lotto na Playa pa reclama su premio. Aki e funcionarionan a revisa su ticket pa check si el a pone su firma patras, y cu a inclui su numbernan di banco. Ora di scan e barcode den computer, mesora e sistema a confirma cu el a gana 139.000 Florin como e jackpot di Lotto di Dia.
Mesora a sigui e proceso pa transferi e premio electronicamente pa su cuenta di banco. Aiza a indica cu e ticket ganador el a cumpra na Tonito’s Lottery na Playa.
