ORANJESTAD (AAN): Teniendo na cuenta cu e cifranan abao di casonan positivo di Covid-19 y e estado actual den ICU,
y considerando e flexibilisacion gradual di e medidanan di COVID-19 na Aruba, e Asociacion di Cuminda y Bebidanan di Aruba (Aruba Food & Beverage Association) ta kere firmemente cu ta e momento di enfoca riba un strategia di salida di Aruba, apoyando e pensamento di endemia.
Para stimula e economia, la AFBA ta propone colectivamente lo siguiente pa wordo considera: elimina e restriccion di cantidad di persona cu por sinta hunto pa mesa y elimina e limitacion di orario di ciere.
Teniendo na cuenta e rekisitonan estricto di entrada pa e turistanan den combinacion cu e tasa halto di vacunacion den e residentenan, ta ora di elimina e medidanan cu ta restringi e forma di haci negoshi. E transicion na e normalidad nobo y e recuperacion economico ta mas cerca, ya cu e beneficionan lo supera e riesgonan.
Ta importante observa e modelonan aplica den otro paisnan cu ta demostra con poco poco mundo ta lagando un banda e nocion di custumbra na "e normalidad nobo". E paisnan aki ta avanzando den e reapertura total di nan economianan, algun eliminando completamente tur e restriccionnan, ya cu tin menos tension den e sistemanan di salud y e efectonan di e variante Omicron cu a demostra di ta leve. E debatenan internacional ta indica cu pronto e pandemia lo wordo declara endemico.
Eliminando e medidanan restrictivo na caminda, lo haci negoshi, pero manteniendo protocolnan manera e uso di tapaboca, distanciamento fisico y higiene di man unda lo por garantiza e seguridad di e huespednan y empleadonan y contribui na e recuperacion di e isla.
Riba potret, Natalia Schoofs-Delgado, PR di AFBA.
