Adi Rasmijn ta presenta su buki nobo na Biblioteca Nacional

ORANJESTAD (AAN):  Sr. drs. Adi Rasmijn ta presenta su buki titula

‘Farewell to the God of the Bible, of the Quran and to the Jesus myth – Welcome the New’ na Biblioteca Nacional Aruba. Esaki ta tuma lugar diaranson dia 2 di juli, di 5or pa 7or.

E buki ta na ingles pero e presentacion mes lo ta na Papiamento. E estudio indica ta trece hopi dato dilanti cu mayoria di hende no conoce y ta duna hopi food for thought. E tema mayor ta un ‘Otro idea di Dios’ cu e religionnan abrahamica ta cargando y un otro idea/interpretacion di Hesu Cristo. Esaki ta un buki pa lector cu un interes grandi pa temanan spiritual.

Sr. Adi Rasmijn a traha como maestro di historia na Colegio Arubano, pa despues sigui como funcionario publico na Dir. Buitenlandse Betrekkingen (DBB). Pa diez aña largo sr. Rasmijn tabata hopi envolvi den proteccion di naturaleza y medio ambiente (Stimaruba). Adi tabatin, un bes pa siman, un programa radial den cual el a trata un gran cantidad di buki cu tur sorto di temanan spiritual. Publico ta bonbini na e presentacion interesante aki.