Addonsito como MC pa 10 aña na Lillyputters su eleccion di reina

ORANJESTAD (AAN): E ta un momento special cu e conocido Addonsito Croes ta gradici Lillyputters speelschool.

   Den Renaissance Convention Center, Lillyputters speelschool a tene su di 47 edicion di eleccion di reina. Pa di 10 aña consecutivo Addonsito Croes tawatin e honor di fungi como e MC exclusivo di e eleccion aki.

   For di aki, Addonsito ta felicita e ganador Melena Leon y cada finalista cu nan bunita presentacion y titulo obteni.

   Tambe e Prins cu Pancho Coco Loco cu a pone bon ambiente. Pabien y danki na e team di maestronan Lilly, Suhein y Nadesca sosteni pa Darinka, Darienne, Jake, Liv, Mila, Kami, cada mayor y famia, e cuerpo di hurado, dj Atronchi y Elite cu ta traha duro pa e eleccion aki ta realisa na e forma unico aki. Aruba su artistanan Singing Bee, Melody Franken y Easy Party Sollution y reina saliente Adela Maduro, a duna tremendo presentacion.  Un momento unico tawata tambe e reconocimento cu juffrouw Lilly a brinda na Emperatriz Perdomo cu desde comienso ta cu Lillyputters.