Weekend grandi a yega!
ORANJESTAD (AAN): Diabierna y diasabra dia 15 y 16 di Maart 2024 lo tuma luga e di 12 edicion di Aruba DOET! Manera ta conoci, e ta un iniciativa di CEDE Aruba den cooperacion cu Oranje Fonds, unda organizacionnan social y boluntarionan ta bini hunto pa haci trabao pa of actividadnan social cu un grupo di interes.
Aruba DOET tin e aña aki un total di 172 proyecto cu mester di 3.500 boluntario. Actualmente tin mas cu 3.000 boluntario cu a registra caba, pero ainda mester di hopi boluntario pa por realisa tur e proyectonan aki. A ser splica na DIARIO cu ainda tin posibilidad pa registra via e website arubadoet.com.
Pa e apertura oficial, Aruba DOET ta invitabo pa e proyecto social di Stichting Schouwburg Aruba na Cas di Cultura. Nan ta organiza un proyecto social cu un concierto di the Blue Mermens, un sing along y tambe algun surprise acts! E apertura oficial lo tuma luga un dia prome cu Aruba Doet, locual ta diahuebs, 14 di maart 2024. Porta ta habri di 6:30pm y entrada ta gra<s. Reserva bo luga via email: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته..
Aruba Doet ta invita esunan cu no a registra ainda, pa bishita e website www.arubadoet.com pa mira y registra pa un di 172 proyectonan of pa cualkier di e siguiente proyectonan cu tin un gran necesidad ainda na boluntarionan: (*) ViperStrong (Fundacion pa Conscientisa Hubentud), (*) Pasadia Infantil Te Aworo, (*) Centro di Bario Tanki Leendert, (*) Stichting Centrum Sabana Grandi Softball Organization, (*) Stichting The Goat Aruba, (*) SV Racing Club Aruba, (*) De Schatkist Peuterschool en Naschoolse Opvang, (*) Gihae tang soo do y gymnastics stichting, (*) Scout Groep Baden Powell, (*) Fundacion Grupo Scout Cacique, y (*) Colegio EPI.
