Accident ta pone cu awe lo bay cera parti di Green Corridor  

ORANJESTAD (AAN): Diamars mainta trempan, algo a pasa riba e caminda di Green Corridor, for di rotonde di Balashi rumbo pa rotonde di Pos Chikito.

   Un accident a socede entre un Toyota Yaris color cora cu number A-9856 y un Hyundai Tanker Truck color blanco cu number DT-875.  Debi na e impacto aki, e truck a keda di banda blokeando full e caminda.  E Hyundai mes a pasa mey-mey di e midden-berm di santo y aloe, y a bay finaliza den e via contrario banda panort.

   Den e accident aki, full un palo di luz a wordo ranca tambe.

   E accident a socede prome cu 8’or di mainta, y el a causa stagnacion enorme di auto riba Green Corridor.

   Debi na esaki, DOW a indica cu awe Diaranson 13 October 2021, for di 9:00 am te cu 4:00 pm, nan lo cera un lane direccion Oranjestad, y na otro banda lo cera un lane direccion San Nicolas.

   Esaki lo wordo haci pa asina por drecha e palo di luz aki.  Ta di spera cu chauffeurnan tuma bon nota di esaki. 

Potretnan cortesia DOW Social Media.