John Hart di Partido AVP:
ORANJESTAD (2 februari 2026) - Parlamentario Hart di fraccion AVP kier pone riba mesa di discusion e asunto di vivienda na Aruba. Parlamentario Hart a dirigi pregunta na e minister actual di infrastructura sr. drs. R. Herdé cu tin bao di su encargo e maneho di vivienda hunto cu e peticion pa presenta na Parlamento y duna contesta den un vragenuur.
Durante e vragenuur sr. Hart lo pidi minister pa elabora riba e obstaculonan cu a conduci cu pa hopi aña tin un stagnacion den e mercado di vivienda y kico ta e maneho di minister pa stimula construccion y disponibilidad di cas pa huur.
Tambe sr. Hart lo bai pidi claridad riba e posibilidadnan cu ta evaluando pa subi huursubsidie pa hogarnan cu ta depende di un entrada minimo y tambe kico ta e posibilidadnan pa permiti APFA duna prestamo na interes reduci na FCCA pa construccion di vivienda social.
Un otro punto interesante pa por discuti den Parlamento di Aruba ta minister su vision encuanto maneho di short term vacation rental. Terminando parlamentario Hart kier enfatisa cu su rol ta pa controla gobierno y ta importante pa Parlamento di Aruba tin claridad riba e asuntonan asina importante cu ta regarda vivienda na Aruba.
