Wega di final di Double A a wordo para cu e score di 7-7

ORANJESTAD(AAN): Diaranzon anochi tabata tin un discusion basta grandi rond di e wega di final di baseball Double A

entre ATCO Noord Indians y Marlboro Red Machine, mirando cu e wega a wordo para cu e score di 7-7.

A wordo bisa cu tin un regla cu ta bisa cu si 12’or yega e wega mester wordo para, pero tin cu ta bisa cu esaki no ta e caso.

Esey tabata e discusion di Diaranzon anochi, despues cu e wega a wordo para.

Red Machine tabata tin 7 careda, 8 hit y 3 error, mientras cu ATCO tabata tin 7 careda, 10 hit y 4 error.

E mihor bateadornan pa Red Machine tabata Norangelo Jacobus 5-3 y Jair Thompson 2-1.

Pa Indians e mihor bateadornan tabata Eugemar Helder 3-2, Jerieel Rafael 5-2 y Jourick Blanco 5-2.

Wega number dos di e serie final ta bay ta awe nochi pa 7:45 na Joe Laveist Ballpark.