Village y becindario por gosa di un cancha di basketball y futbol completamente renoba

Parlamentario Alvin Molina ta contento:

ORANJESTAD (AAN): Parlamentario Alvin Molina di Partido MEP, a indica cu aunke  recursonan financiero ta limita, ta great pa wak cu gobierno a tuma nos peticion na serio y a haya un manera pa drecha e cancha di basketball den St Maartenstraat.

   Si mira con e tabata y con el a bira ta un mehoramento inmenso. E cancha tabata simplemente deplorabel y peligroso pa e muchanan, nan por a lastima nan mes basta severo na e hekwerk frustia cu tabatin y e concret gescheur y punta. E vloer tabata gekraak, verf a kita, basketball “boards” y “ring” kibra y e hut na werki.

   Awo nos por mira e cura ta cla, e hut ta geverf y e pista di basketball y futbol ta completamente renoba. Falta djis e luznan di sistema solar y e poste di goal di futbol. Artisa tambe lo colabora door di crea diferente arte riba murayanan rond di e cancha. Ya caba nos por mira e muchanan den bario ta practicando deporte y tin diferente actividad tumando luga. Ibisa tambe ta uzando e veld pa organiza actividadnan deportivo pa e muchanan. Por echt mira e alegria riba e cara di e hobennan.

   Un cos si, Aruba a prueba cu mantencion no ta nos banda fuerte, pesey un peticion na gobierno, pero sigur na comunidad pa hunto nos cuida e bunita cancha aki pa nos por gosa di dje pa hopi tempo. Mi ta gradici e habitantenan di Village y bisindario pa nan pasenshi y nan input. Danki na nos Minister di Deporte Sr. Endy Coes pa cumpli cu e peticion di pueblo.