Teamnan di Junior Beach Tennis a Briya na evento di ranking mensual

Na Beach Tennis Aruba

ORANJESTAD (AAN): Beach Tennis Aruba (BTA) a organiza un torneo di junior doubles beach tennis exitosamente diasabra, 18 mei. Un total di 62 team a participa, competiendo den varios categoria: Open (18 y menos), Avansa, Intermedio, Teenagers, y 10 y menos.

   Durante hopi ana, BTA a organiza evento mensual di junior doubles permitiendo participantenan gana punto pa ranking. E torneo nan aki ta hunga un rol crucial den selectando representantenan junior pa Aruba pa competensianan internacional, manera ITF Beach Tennis Pan American Championships.

   Door di encurasha e futuro hungado nan di beach tennis pa train y hunga competitivo ta yuda crece e deporte pa nos isla y tambe yuda crece un spirito competitivo entre e hubentud pa keda activo. BTA ta compromete pa continua cu desaroyo y pa stimula talento di beach tennis na hobennan ariba nos isla.

Ganadornan di Torneo di 18 mei:

   Open 18U:  Prome lugar a bay pa Sebastian Dominguez y Thyshawn Dammers.  Di dos lugar a bay pa Derrick Jonkhout y Samuel Rojas.

   Avansa: Prome lugar a bay pa Tiago Roelofs y Paulo Roelofs.  Di dos lugar a bay pa Karan Alwani y Markus Ingwersen.

   Intermedio: Prome lugar a bay pa Robby Lopez Henriquez y Gian Emerenciana.  Di dos lugar a bay pa Jim de Winter y Dylan Snijder.

   Teenagers: Prome lugar a bay pa Daniel Perez y John Soriano. Di dos lugar a bay pa Jalal Sabbagh y Jasper Fernandez.

   Beginner 10U: Prome lugar a bay pa Rydion Kelly y Zaiden Boyé.  Di dos lugar a bay pa Aisha Rumbos Barruso & Gianpiero Donadi.

   Tur luna, BTA ta organiza un torneo di junior. E proximo evento di ranking di junior doubles ta programa pa 22 juni. Hungador nan junior ta anima pa participa y gana punto pa nan ranking di BTA Junior. Tur nivel por hunga.