Team di Inter a bira campeon di 40Plus Fedeveta Copa Roy Croes

ORANJESTAD (AAN): Pueblo di Aruba y fanaticonan di futbol Diasabra pasa por a goza di 2 wega candeloso di e veteranonan di furtbol di Fedeveta 40 Plus.

   Den Compleho Deportivo Franklyn Bareño basta yen, e prome wega a bay entre Dakota Starszz y Barcelona unda Dakota a anota prome, pero Barcelona na di ultimo minuut a logra tabla e wega cu e ora ey a bai over na tiramento di penalty.

   Aki Dakota a logra e di 3er lugar danki na keeper Da Sousa cu a saca un par di e penaltinan.

   Despues a sigui cu e wega tan anticipa entre Inter y Teachers, y aki e futbolistanan di Inter cu nan experiencia y Teachers cu nan tactica di 4-4-2 pa asina purba cu fastbreaks score. Pero mester bisa cu e wega prome mitar a bai solamente na atakenan di Inter nonstop cu a wordo rechaza pa e defensa di Teachers, pero e gol no kier a cay.

   E 2 coachnan a purba varios cambio pero e wega a termina 0-0. Den tiramento di penalty Inter a score 4 biaha y Teachers 2 pa asina Inter bai cu e titulo Campeon!

   E resultadonan ta cu como MVP a keda Patrick Van Der Biezen (Inter).  Goalgetter ta Sandro Osorio (Teachers).

   Team Campeon a bira Inter, e sub-campeon ta Teachers.  Na di tres lugar a finaliza Dakota Starzz.  Di cuatro lugar ta Barcelona FC.