Taekwondo Team Aruba ta preparando pa Team USA

ORANJESTAD (AAN):  Antwuan Wilson di Team USA a bin Aruba bek despues di un par di aña cu su atletanan pa Best of the Best na 2023.

            Antwuan Wilson a wak e potencial den e atletanan di Aruba y a keda impresiona cu e bon trabou di e dos coachnan di  Taekwondo Team Aruba cu ta Master Yoshmar Wever y Master Clifford Rasmijn. 

            Aña pasa Master Yoshmar Wever y Master Clifford Rasmijn a reuni cu Antwuan Wilson na Miami y e challenge di Aruba vs USA a nace. 

            For di e momento ey Master Yoshmar Wever y Master Clifford Rasmijn a intensiva e training di Taekwondo Team Aruba. 

            Diasabra dia 2 di Maart 2024 pa 7'or di anochi e challenge lo ta entre 15 bringado di Taekwondo Team Aruba vs 15 bringado di Team USA.