Shanayah Howell a clasifica pa Olympiada 2024

Mega super bon noticia pa Aruba

ORANJESTAD (AAN): For di edad hopi hoben, Aruba conoce e coredor di bicicleta BMX, cu a keda crece den su disciplina deportive.  Awor na 2024 e ta logra su soño y marca un otro historia den e deporte di BMX.

   Esey ta cu Shanayah Howell a logra puesto pa Olympiada 2024 na Paris den BMX. Esaki sigur ta un bon noticia no solamente pa Shanayah y Pedro su coach y COA pa tur su sacrificionan deportivo pero tambe pa Aruba completo.

  Shanayah semper a representa Aruba den gran forma fo’i edad chiquito te cu awor e ta un professional. Shanayah ta e prome persona tambe pa trece un titulo mundial den deporte pa Aruba.

   Shanayah kier a gradici Dios tata pa su talento y tur bendicion, Pedro su trainer y Coach, COA y muy especial Sra Nicole Hoevertsz cu por sierto ta un role model di Shanayah, AWB, Street Wise (Joseph Everon su prome trainer) Velocity Cycling Team, Dan's.Com tur, Team Ian Johnson y Gil Maduro, tur sponsers y supporters for di tempo cu e ta chiquito te na grandi, su fanaticonan y tur media, y sin falta sigur su famia completo.

   DIARIO kier a manda un pabien pa Shanayah y desea e deportista dedica aki, tur clase di Exito na Weganan Olympico 2024 na Paris.