Serie di playoff  ta empata 1-1 despues cu Braves a blankea Red Machine 7-0 Diadomingo

ORANJESTAD(AAN): E serie di playoffs di best of 5 entre Red Machine y Braves ta empata 1-1.

Despues cu Red Machine a gana Braves Diadomingo 4-2 apesar cu Braves a bati 11 hit, Diadomingo Braves no a ‘baha cabez’ y a bati 10 hit pa gana e wega 7-0.

Red Machine a bati 6 hit y tabata tin 3 error, mientras cu Braves a comete 1 error.

Pitcher ganador a resulta di ta Jadimir Kwidama, kende den e 8 inningnan cu el a tira a logra domina e fuerte bateo di Red Machine.

Pitcher perdedor tabata Bryan Courtar.

Mihor bateadornan pa Red Machine tabata Roderick Simon 4-2, Djurwin Croes 3-1 y Filbert Thiel 2-1.

Pa Braves e mihor bateadornan tabata Daniree Tromp 4-3, Luis Estrada 4-2, Angelo Webb 5-2 y Lendl Dirksz 1-1.

Awe nochi e di 3 wega di playoffs entre Atco Indians y Scorpions ta tuma lugar, mientras cu Diaranzon anochi Red Machine y Braves ta topa otro un biaha mas.