Sensei Eduardo Macias lo representa Aruba den eventonan di Karate na Hapon

ORANJESTAD (AAN)… Diamars 16 di Juli, Sensey Eduardo Macias di Dojo Budokan Aruba ta bayendo Hapon pa participa den e eventonan di Seminario, Examen y Campeonato.

  Sensei Macias su participacion den e eventonan aki lo ta enfoca pa motiva mas tur atletanan di Aruba.

  Actualmente, Sensey Eduardo Macias ta huez Panamericano y Referee Nacional di Colombia.  Awor ta bai participa den e Campeonato na Hapon como Referee pa sigi actualiza su mes y trece e conocementonan siña na Hapon pa Aruba su atletanan. E eventonan aki lo tuma lugar for di 22 di Juli te cu 27 di juli.  Sensei Macias ta gradici e apoyo di mayornan y atletanan y tur esnan cu awe a brinda un man pa sigi pa dilanti.