ORANJESTAD (AAN)--- Recientemente e Sensei Eduardo Macias di Dojo Budokan, a participa den e campeonato Centroamericano y Del Caribe di Karate,
evento cu a tuma lugar na ciudad di Zipaquira na Bogota, Colombia.
E evento aki a tuma lugar durante e prome siman di April y a conta cu e participación di mas cu 600 atleta di Colombia, Venezuela, Costa Rica, Guatemala, El Salvador y Mexico.
Sensei Macias a splica na DIARIO, cu su participación na e eventonan aki Semper ta un motibo pa adkiri conocementonan nobo pa locual ta e desaroyo di e deporte aki rond mundo.
Entre otro, Sensei Macias a anuncia tambe cu e lo ta organizando un seminario pa refereenan cual lo bay tuma lugar Diasabra 10 di Mey próximo, na e di 2 piso di Bright Bakery na Piedra Plat. E Seminario aki lo bay ta organiza pa Dojo Budokan conhuntamente cu Dojo Shoshinkai
{gallery}Sensei Eduardo Macias a participa den evento Centroamericano y Del Caribe di Karate na Zipaquira, Colombia{/gallery}
