Seleccion femenino U-20 di Aruba a logra empate contra Guatemala

TRINIDAD:

Diasabra e seleccion femenino U-20 di Aruba a hunga un bon wega den e campeonato di Concacaf contra Guatemala den grupo F y na final a logra un empate di 2-2.

E wega den Ato Bolden Stadium na Couva, Trinidad, a cuminza bon pa Guatemala, ora cu den di 35 minuut Yaretzy Fernandez a anota e 1-0.

Sinembargo Aruba a bin bek bon ora cu den di 43 minuut Zyana Rogers a anota e 1-1.

Aruba a bay ariba 2-1 via e di dos gol di Rogers den di 65 minuut, pero net ora cu Aruba tabata cerca di bay cas cu e triunfo, Dina Polanco den di 89 minuut a anota e gol di empate di Guatemala, cu ta na di dos lugar di e grupo cu 4 punto den 2 wega.

Aruba ta na di tres lugar cu 1 punto.